Се што треба да знаете за новиот систем за наплата на патарина во Данска ( KmToll)

Стартувајќи од 01 Јануари 2025, возилата со тежина од 12т или повеќе ќе подлежат на патни такси врз основа на изминатата рута, CO2 емисијата и тежината на возилото.
Дополнителни трошоци може да има доколку се вози во зоните со ниска емисија, како што се Копенхаген, Фредериксберг, Одензе, Архус и Алборг
Можете да видите колку патарина треба  да платите на следната табела во прилог: Врска

Кој плаќа патарина?

Камионите со тежина од 12 тони или повеќе и оние кои се користат за товарен транспорт мора да плаќаат патарина.
Како општо правило, ако вашиот камион во моментов е предмет на такса за користење на патиштата, ќе треба да плаќате и патна такса од 2025 година.

За кои рути е задолжително плаќање на  патарина?

Од 1 јануари 2025 година камиони од 12 тони и повеќе ќе плаќаат патарина за возење по данската државна патна мрежа и делови од данската општинска патна мрежа (околу 10.900 км). Се проценува дека ова покрива приближно 75 % од вкупниот број поминати километри со камиони.

На линкот во прилог можете да пристапите до картата на патишта кои подлежат на такси, на Данската управа за патишта: Врска

DKV ќе обезбеди решение за патарина за Данска, со регистрација на корисничка сметка и интеграција со DKV картичката достапна преку DKV Cockpit.